دیمەنی شەقامی ئیسکان. وێنە: 964.
ئاستەنگی هاتوچۆیان دروستکردبوو
شارەوانی هەولێر هەڵمەتی رێکخستنەوەی شەقامی ئیسکانی دەستپێکرد
964+
فەهمی نەبی
درەنگانی شەوی رابردوو تیمێکی پۆلیسی شارەوانی هەولێر هەڵمەتی لادانی زێدەڕۆییەکانی بازاڕی ئیسکانی دەستپێکردووە.
بەپێی راگەیەنراوی شارەوانی هەولێر، چەندین دوکان لەو بازاڕە سەرپێچیان بۆ تۆمارکراوە و چەندین زێدەڕۆیش لادراون.
ئەو تیمەی هەڵمەتەکەی ئەنجامداوە دەڵێن، تا دوکاندار و کاسبکاران ئاستەنگی هاتوچۆ دروستبکەن تیمەکان لە لادانی زێدەڕۆییەکان بەردەوام دەبن.
دوو شەو لەمەوبەر دیسان پۆلیسی شارەوانی لەناو بازاڕی هەولێر هەڵمەتێکی دەستپێکرد بۆ لادانی عارەبانە و مێزی ئەوانەی خەڵکی بیانین.
بازاڕی ئیسکان دەکەوێتە چەقی شاری هەولێر، یەکێکە لەو بازاڕانەی شەو و رۆژ ناخەوێت و جمەی دێت، بە خواردنی خێرا و چایخانەکانی بەناوبانگە، لە ساڵانی هەشتا شەقامی سەرەکی گەڕەکی ئیسکان تەنیا چەند دوکانێکی لێبوو، بەڵام ئێستا یەکێکە لە قەرەباڵغترین بازاڕەکانی هەولێر.
