دیمەنی باڵەخانەی بەڕێوەبەرایەتی تەندروستی سلێمانی _ وێنە: 964
"بۆ ئەوەیە بایکۆت نەکەن"
دەوامی کارمەندانی تەندروستی سلێمانی کەمکرایەوە
964+
پێشەوا محەمەد
ماوەی دوو رۆژە دەستکاری خشتەی دەوامی سەرجەم کارمەندانی تەندروستی کراوە لە سنووری سلێمانی، تەندروستی شارەکە دەڵێت، بۆ ئەوەیە بایکۆتی کەرتەکە نەکرێت.
لە سنووری پارێزگاکانی سلێمانی و هەڵەبجە، ئیدارە سەربەخۆکانی گەرمیان و راپەڕین تا ئێستا مامۆستایان بایکۆتی ساڵی نوێی خوێندنیان کردووە و بەرپرسانی تەندروستیش ترسیان هەیە بەهۆی خراپی دابەشکردنی موچەوە کارمەندانی تەندروستیش دەوام نەکەن و بچنە سەر شەقامەکان.
نیاز ئەحمەد، کارمەندی نەخۆشخانەی شار لە سلێمانی بە 964ـی وت، دوو رۆژە خشتەی نوێێ دەوام داندراوە و هەر کارمەندە و هەفتانە دوو رۆژ دەوامی بەردەکەوێت.
پێشتر سەباح هەورامی، بەڕێوەبەری تەندروستی سلێمانی رایگەیاند، هەموو هەوڵێک دەدەن کەرتی تەندروستی بایکۆت نەکات و لە خزمەتکردنی هاوڵاتیان بەردەوام بن.
سەرچاوەیەک لە تەندروستی سلێمانی، کە نەیویست ناوی بهێنرێت بە 964ـی وت، “کەمکردنەوەی دەوام بۆ ئەوەیە کارمەندانی تەندروستی بایکۆت نەکەن و ئەگەر کەمیش بێت دەوامەکە بکەن تا کەرتەکە پەکی نەکەوێت”.
