دیمهنێك كارمهندانى تهندروستى لهكاتى ئامادهكارى بۆ رشاندنى بهشه ناوخۆییهكان ... وێنه: زانكۆى گه‌رمیان
بەشەناوخۆییەکانى کۆلێژی پزیشکی زانکۆى گه‌رمیان ده‌رمانڕێژ كران
964+
فه‌رهاد حه‌سه‌ن
به‌شی ناوخۆیی كچان و كوڕان له كه‌مپی به‌رده‌سوورى سنوورى گه‌رمیان، ده‌رمانڕێژ كران، كاروبارى خوێندكارانیش ده‌ڵێت “بۆ قلاچۆكردن و له ناوبردنی مێروو مێشوله‌یه”.
كاره‌كه له سه‌ر داوای به‌ڕیوبه‌رایه‌تی كاروباری خۆیندكاران و له‌لایه‌ن به‌ڕێوەبه‌رایه‌تی ته‌ندروستی و سه‌لامه‌تی زانكۆی گه‌رمیان به هاوكاری به‌ڕێوەبه‌رایه‌تی مه‌ڵبه‌ندی خۆپاراستنی ته‌ندروستی گه‌رمیان، به‌ڕێوه‌چوو.
زانكۆى گه‌رمیان بڵاویكرده‌وه، له‌و هه‌ڵمه‌ته‌دا جگه له ده‌رمانڕێژكردنی هه‌ردوو به‌شی ناوخۆیی كچان و كوڕان، بینای كۆلیژی پزیشكی ده‌رمانیش ده‌رمانڕێژ كرا.
ده‌شڵێت “قەڵاچۆكردن و له ناوبردنی ئه‌م جۆره مێروانه هۆكارێكی باش ده‌بێت بۆ رێگریكردن له بڵاوبونه‌وه‌ی نه‌خۆشی”.
