ئامێری شکاندنی بەردی گورچیلە بۆ سۆران دابین کرا. فۆتۆ: راگەیاندنی تەندروستیی سۆران
پارەکەی بە هاوبەشی دابین کراوە
لیزه‌ری شكاندنی به‌ردی گورچیله بۆ سۆران دابین كرا
964+
ئه‌رسه‌لان عه‌بدوڵا
به‌ڕێوه‌به‌رایه‌تیی گشتیی ته‌ندروستیی سۆران رایگه‌یاند، بۆ یه‌كه‌مجار ئامێری لیزه‌ری شكاندنی به‌ردی گورچیله بۆ سۆران دابین كرا و دووسه‌د ملیۆن دیناری بۆ خه‌رج كراوه.
به‌ڕێوه‌به‌رایه‌تییه‌كه ئه‌مڕۆ سێشه‌ممه 28.11.2023 بڵاویكرده‌وه، ئامێری لیزه‌ری شكاندنی به‌ردی گورچیله بۆ نه‌خۆشخانه‌ی فێركاریی ئاشتی له سۆران دابین كرا، كه بڕی 200 ملیۆن دینار خه‌رجییه‌كه‌ی بووه.
سه‌رچاوه‌كه ئاماژه به‌وه ده‌كات، یه‌كه‌مجاره ئامێره‌كه بۆ سۆران دابین ده‌كرێت و ئه‌مه‌ش واده‌كات ناردنی نه‌خۆش بۆ هه‌ولێر كه‌م ببێته‌وه.
به‌ڕێوه‌به‌رایه‌تییه‌كه ئه‌وه‌شی ئاشكرا كردووه، ئامێره‌كه بە هاوبەشی لەسەر بودجەی ئیدارەی سەربەخۆی سۆران و بەڕێوەبەرایەتیی گشتیی تەندروستی سۆران دابین کراوە.
