بەغدا و کوردستان لیژنەیەک بۆ گومرگ و بەرهەمی ناوخۆ پێکدەهێنن

964+

شاخەوان عومەر

سەرۆک وەزیرانی عێراق لیژنەیەکی هاوبەشی هەرێم و بەغدای بۆ چارەسەرکردنی کێشە گومرگییەکان راسپارد

سەرۆک وەزیرانی عێراق محەمەد شیاع سودانی، لیژنەیەکی هاوبەشی بە سەرۆکایەتی وەزیری پلاندانان و ئەندامیەتیی چوار وەزیری دیکە لە حکومەتی ناوەندی و دوو وەزیر لە حکومەتی هەرێم بۆ یەکخستنی سیاسەتی گومرگی هاوبەش و پارێزگاری بەرهەمی ناوخۆیی پێکهێنا.

وێنەیەکی راگەیەندراوی نووسینگەی رۆژنامەوانیی سەرۆک وەزیرانی عێراقی دەست 964 کەوتووە، کە تێیدا لیژنەکە لە هەرێمی کوردستان وەزیری ناوخۆ و وەزیری دارایی، هەروەها لە حکومەتی ناوەندی، سەرۆکی لیژنە وەزیری پلاندانانە و ئەندامیەتیی وەزیرەکانی ناوخۆ، ئاوەدانکردنەوە و نیشتەجێبوون، خوێندنی باڵا و داد لە خۆدەگرێت.

کارەکانی لیژنەکە بەم شێوەیە دەبن:

-پێداچوونەوەی یەکخستنی سیاسەتی گومرگیی هاوبەش لە هەموو دەروازە سنوورییەکان و فڕۆکەخانەکان

-دیاریکردنی دیدگایەکی گشتیی یەکگرتوو بۆ جێبەجێکردنی سیاسەتی گومرگیی هاوبەش و پارێزگاریکردنی بەرهەمی ناوخۆیی

-پێداچونەوەی رێکارەکانی یاسای دەستەی دەروازە سنوورییەکان ژمارە 30 ی 2016  و هەموارکردنەوە و پێشنیاری چارەسەری پێویست

سودانی: ئەو بانکە ئەهلیانەی دۆلار دەبەنە بازاڕ و دەیفرۆشنەوە سزا دەدرێن