بەشێک لە شەقامی تەیراوە لەکاتی قیرتاوکردن. فۆتۆ: پارێزگای هەولێر
نزیکەی ملیارێک دیناری دەوێت
بازاڕی تەیراوە نۆژەن دەکرێتەوە
964+
ژووری هەواڵ
لە هەولێر، پڕۆژەی نۆژەنکردنەوەی شۆستە و شەقامەکانی بازاڕی تەیراوە لە چوارڕیانی کورد و عەرەب تا چوارڕیانی نەورۆز کەوتە بواری جێ بەجێکردنەوە.
پرۆژەکە لەسەر بودجەی پەرەپێدانی پارێزگای هەولێر بە شێوەی بەڵێندەرایەتیی جێبەجێدەکرێت و 12 هەزار مەتر دووجا قیرتاو دەکرێت.
رۆژی سێشەممە 14.11.2023، پارێزگای هەولێر رایگەیاند، گوژمەی پرۆژەکە 868 ملیۆن دینارە و جگە لەم پرۆژەیە، سەرۆکایەتیی شارەوانیی هەولێر بەردەوامی دەدات بە گەیاندنی پڕۆژە خزمەتگوزاریەکانی شەقام.
لەسەرەتای ئەمساڵەوە تا ئێستا، شارەوانیی هەولێر بە داهاتی خۆی 29 پڕۆژەی خزمەتگوزاری بە زیاتر لە شەش ملیار دینار خستۆتە بواری جێبەجێکردنەوە.
