وەزارەتی شارەوانی وادەڵێت
“وەرگرتنی پارە بۆ پارکینگی شەقامی 60 مەتری ناچێتە بواری جێبەجێکردنەوە”
964+
ئەحمەد مستەفا
وەزارەتی شارەوانی دەڵێت، ئەو رێکارەی شارەوانی هەولێر بۆ رێکخستنەوەی شەقام دایناوە، تەنیا بۆ تاقیکردنەوە بووە و ناچێتە بواری جێبەجێکردنەوە.
ئەوە لەکاتێکدایە، دوێنی یەکشەممە پرۆەژەی راگرتنی ئۆتۆمبێڵ لەسەر شەقام (ئۆن ستریت پارکینگ) راگەیەندرا، لەبەرامبەر راگرتنی ئۆتۆمبێڵ لە شەقامی 60 مەتری بەپێی کاتی راگرتن پارە وەردەگیرێت.
بەگوێرەی ئەو روونکردنەوەیە بێت کە وەزارەتی شارەوانی دیاریکردووە، ئەم کارە بۆ رێکخستنەوەی شار و شەقام و جەنجاڵی هاتوچۆ لەسەر کەوانەیەکی شەقامی شەست مەتری هەولێر بووە و ناچێتە بواری جێبەجێکردنەوە.
