دیمەنی ئەو مادە هۆشبەرانەی دەستی بەسەرداگیراوە.وێنە.بەڕێوەبەرایەتی نەهێشتنی مادە هۆشبەرەکان
کریستاڵ و جامایکایان پێبووە
پێنج تۆمەتباری مادەی هۆشبەر دەستگیرکران
964+
توانا نەقی
پێنج تۆمەتباری مادەی هۆشبەر دەستگیرکران لەگەڵ یەک کیلۆ کریستاڵ و جامایکا کە دوو جۆری مادەی هۆشبەرن.
ئەمڕۆ دووشەممە، بەڕێوەبەرایەتی نەهێشتنی مادە هۆشبەرەکان بڵاویکردەوە، لە رێکەوتی 12.11.2023 واتە دوێنێ لە چالاکیەکدا توانراوە پێنج تۆمەتباری مەترسیدار دەستگیر بکرێن.
ئەو کەسانە کاریان کڕین و فرۆشتنی مادەی هۆشبەر بووە و لە کاتی گرتنەکەیاندا دەستگیراوە بەسەر کریستاڵ و جامایکا بە بڕی یەک کیلۆ گرام.
دیارنیە ئەو تۆمەتبارانە لەکام شوێنی هەرێمی کوردستان دەستگیرکراون.
ئەمەلە کاتێکدایە هەر دوێنێ یەکشەممە، ئاسایشی سلێمانی بڵاویکردەوە لە چالاکیەکی جیاوازدا توانیویانە دەست بگرن بەسەر کێڵگەیەکی حەشیش کە لەناو ماڵێکدا لە هەڵەبجە بەرهەم هێنراوە.
