راوچیەکە خۆی پێوە بوو
لە کفری کۆمەڵێک باڵندەی دەگمەن گەڕێندرانەوە ناو سروشت
964+
توانا نەقی
لە دەشتی کفری کۆمەڵێک باڵندەی جۆراوجۆر و لە ناویاندا قوشێک لەلایەن پۆلیسی دارستانەوە ئازادکران کە راو کرابوون.
پۆلیسی دارستانی گەرمیان بڵاویکردەوە، بنکەی پۆلیسی دارستان و ژینگەی کۆکس سەربە پۆلیسی کفری، هاوڵاتیەکیان دەستگیر کردووە کە راوی باڵندەی کردووە لەو سنوورە.
راوچیەکە باڵندەیەکی قوشی پێبووە کە یەکێکە لە باڵندە دەگمەنەکان، لەگەڵ چوار کوڕکوڕ و دوو کۆتر.
پۆلیس دەڵێت، کەسەکەیان رەوانەی لای بەڕێوەبەری ناحیەی کۆکس کردووە بۆ لێپرسینەوەی یاسایی و باڵندەکانیش ئازادی ناو سروشت کرانەوە.
