وەزارەتی تەندروستی - وێنە: 964
رەزامەندییان هاتووەتەوە
600 پزیشکی گشتی دادەمەزرێندرێن
964+
پێشەوا محەمەد
لە هەرسێ پارێزگاکانی هەولێر، سلێمانی و دهۆک 600 پزیشکی گشتی دادەمەزرێندرێن و رەزامەندییەکەیان تەواو بووە.
ئەو پزیشکانە هی ساڵی کۆتایی هەرسێ کۆلێژی پزیشکی گشتی زانکۆکانی هەولێر، سلێمانی و دهۆکن.
ئەفراسیاب موسا، بەڕێوەبەری تەندروستیی گشتی دهۆک بە 964ـی راگەیاند، ئەو پزیشکانە هەموو رێکارەکانی دامەزراندنیان تەواو بووە و لە قۆناغی مامەڵەکردندان.
وتیشی، “لەو رێژەیە 108 پزیشکیان پشکی تەندروستی دهۆکن و ئێمە لێرەوە دابەشیان دەکەین بۆ ئەو شوێنانەی پێویستیان بە پزیشکی گشتییە”.
ئەو 492 پزیشکەی دەمێنێتەوە لە بەڕێوەبەرایەتییەکانی تەندروستیی سلێمانی و هەولێر دادەمزرێن.
“کەرتی تەندروستی پێویستی بە پزیشک ھەیە و سەرەتا وەک نیشتەجێی خولاو دەستبەکار دەبن، دواتر دەتوانن وەک پزیشک کاری خۆیان بکەن”، ئەوەش قسەی ئەفراسیاب موسایە.
