وەزارەتی کاروباری شەهیدان و ئەنفالکراوان - وێنە: وەزارەتی کاروباری شەهیدان
پێناسێکی یەکگرتوو بۆ شەهیدان و زیندانیانی سیاسی دروست دەکرێت
964+
پێشەوا محەمەد
وەزارەتی شەهیدان و کاروباری ئەنفالکراوان سەرقاڵی دروستکردنی پێناسێکی یەکگرتووە بۆ سەرجەم شەهیدان، زیندانیانی سیایسی، تاقانەکانی ئەنفال و بەرکەوتوانی چەکی کیمیایی.
پێناسەکە دیجیتاڵی دەبێت کۆدی تایبەتی لەسەر دەبێت، کە سەرجەم زانیارییەکانی کەسەکە لە رێگەی سیمکارتێکەوە لەخۆ دەگرێت.
عادل مەلا ساڵح، وتەبێژی وەزارەتی شەهیدان و کاروباری ئەنفالکراوان بە 964ـی راگەیاند، پێشتر بۆ هەر یەکێک لەوانە پێناسێکی جیا و رەنگێکی جیا هەبوو، بەڵام هەموویان دەکرێن بە یەک رەنگ و یەک شێوە.
وتیشی، “کارەکە لە چوارچێوەی بەدیجیتاڵکردنی کارەکانی وەزارەتەکەماندایە”.
بە پێی ئامارەکانی وەزارەتی کاروباری شەهیدان و ئەنفالکراوان، ژمارەی ئەوانەی پێناسە دیجیتاڵییەکەیان بۆ دەکرێت لەسەر و 75 هەزار کەسەوەیە.
