وێنەی ئەو پیکابەی تووشی رووداوی هاتوچۆ بووە. فۆتۆ: نەخۆشخانەی گشتی شەهیدان
لە پێنجوێن
حەوت کرێکار لە رووداوێکی هاتوچۆ بریندار بوون
964+
هاوبەش ئەبوبەکر
لە پێنجوێن بەهۆی رووداوێکی هاتوچۆوە، حەوت کرێکار بریندار بوون و گوازراونەتەوە بۆ نەخۆشخانە.
کرێکارەکان سەرنشینی پیکابێک بوون لە جۆری نیسان، کە بەهۆی تەقینی تایەکەی خۆی کێشاوە بە ستونێکی کارەبادا.
نەخۆشخانەی گشتی شەهیدان لە پێنجوێن رایگەیاند، رووداوەکە کاتژمێر 1:30 خولەکی پاش نیوەڕۆ روویداوە و دۆخی بریندارەکان جێگیرە.
هەموو بریندارەکان لە نەخۆشخانە ماونەتەوە و لەژێر چاودێری تەندروستیدان.
