گەنجانی خۆبەخشی گۆپتەپە لەکاتی پاککردنەوەی پردەکە. وێنە: گۆڤار کەمال تایبەت بە 964
دوای 11 ساڵ بۆ یەکەمجارە پردی گۆپتەپە خاوێن دەکرێتەوە
964+
فەهمی نەبی
پردی گۆپتەپە لەساڵی 2012-ەوە لەو کاتەی کارەکانی تەواو بووە پاک نەکراوەتەوە، ئەمڕۆ خۆبەخشانی گوندی گۆپتەپە هەڵمەتی پاککردنەوەی پردەکەیان دەستپێکرد.
ئەمڕۆ هەینی ئەو هەڵمەتە ئەنجامدراوە، نزیکەی 70 گەنجی گوندی گۆپتەپە خۆبەخشانە خۆڵ و زبڵی سەر پردەکەیان لاداوە.
بەختیار مەحمود یەکێک لە خۆبەخشانی پاککردنەوەی پردەکە بۆ 964 قسەیکردووە دەڵێت، “نە ناحیەی ئاغجەلەر و نە ناحیەی ئاشتی هیچیان پاکی ناکەنەوە، مامۆستایەک بەناوی ئارام لە گوند رووناککەرەوەی بۆ پردەکە داناوە و ئێمەش بڕیارماندا پاکی بکەینەوە”.
ئەو خۆبەخشە دەڵێت، “دوای پاککردنەوەی بڕیارە ئاسنی راروەکە رەنگ بکەینەوە”.
گوندی گوپتەپە دەکەوێتە نێوان ناحیەی ئاشتی لە قەزای کۆیە و ناحیەی ئاغجەلەر لە قەزای چەمچەماڵ.
