هەڵەبجە دەبێتە خاوەنی هێڵی فریاکەوتنی 122

پێشەوا محەمەد

هەڵەبجە دەبێتە خاوەنی هێڵی تایبەتی فریاکەوتنی خێرای 122 و باڵەخانەکەشی فراوان دەکرێت.

تا ئێستا هەڵەبجە لەو خزمەتگوزارییەدا نەبوو و تەنیا لە سلێمانی و هەولێرەوە وەڵام دەدرایەوە.

964 دەزانێت، باڵەخانەی سەنتەری فریاکەوتنی خێرای 122  لە هەڵەبجە لە لایەنی GIZـی ئەڵمانییەوە فراوان کراوە.

“داوامان کردووە ژمارەیەکی ئاسیاسێڵ و کۆڕەک تیلیکۆمێکمان پێ بدرێت و بە هێڵی فریاکەوتنی 122ـەوە ببەسترێتەوە و ئێمە خۆمان وەڵامی حاڵەتە کتوپڕەکانی پارێزگاکەمان بدەینەوە”، ئەوە قسەی ئازاد مستەفا، بەڕێوەبەری تەندروستی هەڵەبجەیە بۆ 964.

دەشڵێت، رەزامەندی دراوە و “هەڵەبجە پێویستی بەو هێڵی فریاکەوتنەیە و پێویستە زیاتر خزمەتی خەڵکەکەی بکرێت”.