ژمارەیەک قوتابی لە سەیدسادق هاتوون بۆ دەوام و کەس نییە دەرگایان لێ بکاتەوە. وێنە: سۆشیاڵ میدیا
یەکێتیی مامۆستایان: بۆ شکاندنی بایکۆت دوو موچەمان پێبدەن
964+
هاوبەش ئەبوبەکر
لقی سلێمانیی یەکێتیی مامۆستایان داوا دەکات، بۆ ئەوەی بایکۆت بشکێنن و بگەڕێنەوە هۆڵەکانی خوێندن، موچەی مانگەکانی حەوت و هەشتیان پێبدرێت.
ئەمڕۆ یەکشەممە 17.9.2023، دڵشاد مەجید، سەرۆکی لقی سلێمانیی یەکێتیی مامۆستایان بە 964ـی راگەیاند، هیچ بڕیارێك نییه ئه‌گه‌ر حكومه‌ت یه‌ك موچه دابەش بکات، مامۆستایان ده‌ستبكه‌نه‌وه به وانه‌وتنه‌وه و بایكۆت بشكێنن.
وانەبێژان لە هەڵەبجەوە تا چەمچەماڵ گردبوونەوە
“ئێمە بە روونی داوامان کردووە بە زووترین کات دەست بە دابەشکردنی موچەی مانگەکانی حەوت و هەشت بکرێت، بۆ ئەوەی دەوام دەستپێبکاتەوە و پرۆسەی پەروەردە بچێتە سەر رێچکەی دروستی خۆی”، دڵشاد مەجید وای وت.
زیاتر لە دوو مانگە موچەخۆرانی هەرێمی کوردستان موچەیان وەرنەگرتووە و زۆرێک لە فەرمانگە حکومییەکان و مامۆستایانیش بایکۆتی دەوامیان کردووە.