وێنەیەک لە کۆبوونەوەی شاندی هەرێم لە بەغدا. فۆتۆ: فەرمانگەی میدیا و زانیاری
هه‌ردوو سه‌رۆك وه‌زیرانی عێراق و كوردستان كۆبوونه‌وه
964+
ئه‌رسه‌لان عه‌بدوڵا
شاندی حكومه‌تی هه‌رێمی كوردستان گه‌یشتنه به‌غدا و له یه‌كه‌م وێستگه‌كه‌دا سه‌رۆك وه‌زیرانی كوردستان له‌گه‌ڵ سه‌رۆك وه‌زیرانی عێراق كۆبووه‌وه.
میدیاكانی نزیك له حكومه‌تی كوردستان بڵاویان كرده‌وه، مه‌سرور بارزانی، سه‌رۆك وه‌زیرانی هه‌رێم له‌گه‌ڵ محه‌مه‌د شیاع سوودانی، سه‌رۆك وه‌زیرانی عێراق كۆبووه‌وه.
ئامانجی سه‌ردانی شانده‌كه‌ی هه‌رێم، وه‌ك پێشتر وته‌بیًژی حكومه‌تی هه‌رێم باسی لێوه‌كردبوو، چاره‌سه‌ركردنی كێشه‌كانی موچه و بودجه‌ی هه‌رێمی كوردستانه.
به پێی زانیارییه‌كانی 964، شاندی هه‌رێم هه‌ر ئه‌مڕۆ كۆبوونه‌وه‌یان له‌گه‌ڵ سه‌رۆك كۆماری عێراق، سه‌رۆكی په‌رله‌مان و لایه‌نه سیاسییه‌كانی ناو هاوپه‌یمانی به‌ڕێوه‌بردنی ده‌وڵه‌ت ده‌بێت.
