ڤیدیۆ: سبەی یاریی کۆتایی خولی لاوانە
+964
یادگار محەمەد – سلێمانی
یانەی سیروانی نوێ دوا ئامادەکاری بۆ یاریی کۆتایی خولی لاوانی کوردستان ئەنجام دا و راهێنەری یانەکەش گەشبینە.
لەسەر یاریگەی زانکۆ، تیپی تۆپی پێی لاوانی یانەی سیروانی نوێ دوایەکەی مەشق و راهێنانی بۆ یاریی کۆتایی خولی لاوانی کوردستان ئەنجام دا.
سروشت ئەحمەد راهێنەری یانەی سیروانی نوێ بە 964ـی وت، سوپاس بۆ خودا گشت یاریزانەکانیان ئامادەن بۆ یاریی کۆتایی.
وتیشی، پێشمەرگەی سلێمانی تیپێکی بەهێزن و بۆ دووەم جارە لەسەریەک دەگەنە یاریی کۆتایی، بەڵام یاریزانەکانی سیروانی نوێ ش ئامادەن بۆ دەستەبەرکردنی نازناوەکە.
بە پێی زانیارییەکانی 964 لاوانی پێشمەرگەی سلێمانییش ئەمڕۆ دوایەکەی مەشقیی خۆیان ئەنجام دا.
لە قۆناغی پێش کۆتایی خولی لاوانی کوردستان، یانەی سیروانی نوێ سەرکەوت بەسەر شۆریجەدا، پێشمەرگەی سلێمانیش لە هندرێنی بردەوە، بریاریشە سبەی چوارشەممە کاتژمێر چواری ئێوارە لەسەر یاریگەی زانکۆ لە سلێمانی، هەردوو یانەی سیروانی نوێ و پێشمەرگەی سلێمانی یاریی کۆتایی خولی لاوانی کوردستان ئەنجام بدەن.
پێداچوونەوە: ئەرسەلان عەبدوڵا