ژاژڵەییەکان داوای ئاو و موختار دەکەن

964+

پێشەوا محەمەد

دانیشتوانی گوندی ژاژڵە داوای بیرێکی ئاوی خواردنەوە و دانانی موختار دەکەن.

ئەمڕۆ سێشەممە 5.9.2023 بەشێک لە دانیشتوانی گوندەکە بۆ گەیاندنی داواکەیان سەردانی قایمقامی ماوەتیان کردووە.

ستار ژاژڵەیی، کەسایەتی گوندی ژاژڵە بە 964ـی وت، کێشەی ئاوی خواردنەوەیان هەیە و داوایان کردووە بیرێکیان بۆ لێبدرێت.

دەشڵێت، لەگەڵ ئەوەشدا موختاریان نییە و پێویستیان پێیەتی، رێگاکەشیان پێویستی بە چاکسازی هەیە.

“قیمقامی ماوەت بەڵێنی پێداین هەموو هاوکاری و ئاسانکارییەکمان بۆ بکات”، ستار ژاژڵەیی وای وت.

ژاژڵە گوندێکی سەر بە قەزای ماوەتە لە پارێزگای سلێمانی.