وێنەی جلوبەرگەکانی ئاهەنگی دەرچوون لە زانکۆی سلێمانی. فۆتۆ: زانکۆی سلێمانی
زانکۆی سلێمانی پێنج هەزار رۆب و کڵاوی بە ستایلی نوێ دووریوە
964+
هاوبەش ئەبوبەکر
مامۆستایان و خوێندکارانی زانکۆی سلێمانی، بۆ ئاهەنگی دەرچوونی 2022 – 2023 ستایلێکی نوێی رۆب و کڵاو دەپۆشن.
زانکۆی سلێمانی رایگەیاند، زیاتر لە پێنج هەزار رۆب و کڵاوی بە دورین داوە و لە ئەمڕۆ دووشەممەوە دەیدات بە خوێندکارە دەرچووەکان و مامۆستایانی زانکۆکە بۆ ئەوەی لە ئاهەنگی دەرچووندا بیپۆشن و دواتر بیگەڕێننەوە.
زانکۆکە وێنەی رۆبەکانی بڵاوکردووەتەوە و وەک دەردەکەوێت، رەنگیان سور و رەشە. سەردەستی بەشێکیان یەک خەتی سور هەندێکیان دوو خەتی سوریان پێوەیە، سەردەستی بەشێکی دیکەشیان بێ خەتن و سادەن.
دورینی رۆب و کڵاوەکان تەواو بوون، زانکۆی سلێمانی دەڵێت ، سەرجەم دەرچووانی ساڵی خوێندنی 2022 – 2023ـی کۆلێژەکانی زانکۆکە دەتوانن لە ئەمڕۆ دووشەممەوە تاوەکو 7.9.2023 سەردانی گەنجینەی کۆلێژەکانیان بکەن بۆ وەرگرتن جلوبەرگەکان.