هێزێكی ئه‌منیی گه‌وره چاودێریی یاریی كۆتایی جامی عێراق ده‌كه‌ن
+964
هێژا خه‌سره‌و – به‌غدا
هێزێكی ئه‌منی و پۆلیسی عێراقی، به ژماره‌یه‌كی یه‌كجار زۆر له یاریگه‌ی شه‌عب و ده‌وروبه‌ری یاریگه‌كه ئاماده‌ن، ره‌وشی ئاسایشی یاریگه چاودێریی ده‌كه‌ن.
پاش كه‌مێكی دیكه یاریی كۆتایی جامی عێراق له نێوان قوه‌ی جه‌وییه و هه‌ولێر له یاریگه‌ی شه‌عب ده‌ستپێده‌كات.
هێزه ئه‌منییه جۆراوجۆره‌كانی ئاسایشی نیشتمانی و پۆلیس رژاونه‌ته یاریگه و ده‌وروبه‌ری و پارێزگاری له كه‌شی یارییه‌كه و جه‌ماوه‌ر ده‌كه‌ن.
هاوكات هێزه‌كان رێگرییان له میدیاكان كرد كه كه‌لوپه‌له‌كانیان ببه‌نه ناو یاریگه.
له لایه‌كی دیكه هه‌ردوو یانه هاتوونه‌ته ناو یاریگه و پرۆسه‌ی خۆگه‌رمكردن ده‌كه‌ن، پێش ئه‌وه‌ی یارییه‌كه ده‌ستپێبكه‌ن.
جه‌ماوه‌رێكی زۆری هه‌ردوولا له یاریگه ئاماده‌ن و چاوه‌ڕێی یارییه‌كی به‌هێز ده‌كرێت.
داڕشتنه‌وه: ئه‌رسه‌لان عه‌بدوڵا