راو قەدەغەیە بەڵام راوچیەکانی ماسی ناوەستن

964+

فەهمی نەبی

پۆلیسی دارستانی سلێمانی لە قەزای دەربەندیخان پێنج راوچی دەستگیرکرد، ئەوان لەیەک شوێن 27 ماسیان راوکردبوو.

ئەمڕۆ چوارشەممە، پۆلیسی دارستان و ژینگەی پارێزگای سلێمانی، دەستگیرکردنی ئەو راوچیانەی راگەیاند.

لە رۆژی 5ی ئادارەوە راوکردنی ماسی قەدەغەکراوە، ئەمەش بەهۆی گەرادانانی ماسی لەم وەرزە.
ئەو راوچیانە دەیانویست بە بازگەی ژاڵەناو تێپەڕن، 27 ماسی گەورە و کلاشینکۆفێک و ئۆتۆمبێڵەکەیان دەستیبەسەرداگیرا.

بەپێی پۆلیسی دارستانی سلێمانی، ئەو راوچیانە لەلایەن دادوەرەوە پەڕاوی لێکۆڵینەوەیان بۆ کراوەتەوە.