کاسبکاران پەلەیانە
نۆژەنکردنەوەی تەواوەتی بازاڕی دارەسووتاوەکە ئەوەندەی نەماوە
964+
دیلان محەمەد جەزا – سلێمانی
بازاڕی دارەسووتاوەی سلێمانی دوای چەندین مانگ لە سووتانی ئێستا خەریکە دەکەوێتەوە سەر پێی خۆیی و نۆژەنکردنەوەی تەواو دەبێت.
دوکاندارانی بازاڕە هێشتا باسی زەرەرووزیانەکانیان دەکەن و دەڵێن ئەوکات هەرچیان بوو سووتا چەندین مانگیشە بێئیش دانێشتوون ئیتر چاوەڕێن تا مانگێکی دیکە هەموو بازاڕەکە تەواو بێت و بچنەوە سەر کاری خۆیان.
یەکێک لەو دوکاندارانە دەڵێت نزیکەی 30 ملیۆن دینار زیانی کردووە و ئیش نەکردنیش هەر زیان بووە.
لە رۆژی 5.4.2025 بازاڕی دارەسووتاوەکەی سلێمانی سووتاو بە دایان دوکان هیچیان بۆ دەرنەچوو زیانێکی زۆریان بەرکەوت.
پێداچوونەوە: توانا نەقی
