دوو ملیار دینار تهرخان كراوه
له ئهمڕۆوە ههولێر خۆى بۆ بارانبارینى زستان ئاماده دهكات
964+
فهرهاد حهسهن
ئهمڕۆ لە هەولێر، ئامادهكارییهكان بۆ هاتنى وهرزى بارانبارینى زستان دهستیان پێكرد و بڕى دوو ملیار دیناریش وەک فریاگوزاریى بۆ چارەسەرکردن و خاوێنکردنەوەی ئاوەڕۆ و رێرەوەکانی ئاوی سروشتی باران و کەموکوڕى و گرفتەکانى تەرخانکرا.
ئومێد خۆشناو، پارێزگارى هەولێر، کۆبوونەوەیەکى تایبەتى سەبارەت بەم بابهته رێكخست و لایهنه پهیوهندیدارهكانى كۆكردهوه، پلان و بەرنامە و نەخشەڕێگای وەرزی باران بارینی ئەمساڵ و رێگا چارەسەرییەكانی کێشە و گرفتەكان خرنهڕوو.
پارێزگار، لایەنە پەیوەندیدارەكانی راسپارد، بۆ گرتنەبەری رێوشوێنی نوێ و پێویست و ئامادەكاریی زیاتر بە مەبەستی رێگریكردن لە هەر حاڵهتێکى نەخوازراوی گۆڕانی كەشوهەوا و چارەسەركردنی ئەو خاڵە لاوازانەی کە دەبنە هۆی دروستبوونی لافاو و پەنگخواردنەوەى ئاوی زیادە.
بەمەبەستی رووبەڕووبوونەوەی هەر مەترسییەكی كۆبوونەوەی ئاوی زیادە و دروستبوونی لافاو لە شارى هەولێر و دەوروبەرى، جەخت لە ئەنجامدانی هەڵمەتی گشتگیرى پاککردنەوەى سەرجەم چاڵەکانی ئاو وەرگرتن، مەنهۆل، خاوێنكردنەوەی ئاوەڕۆ و کەند و ڕێرەوە سروشتییەکانى ئاوى باران بەر لە وەرزی بارانبارین كرایەوە.
شەقامەکانی هەریر نۆژەن دەکرێنەوە و قیرتاو دەکرێن؛ ئاوەڕۆشیان بۆ دەکرێت
