+964

میلاد جەلال – گەرمیان

لە گوندی عیسایی نزیک قەزای کەلار، کەلـلـەسەرێک و ئێسکێکی مرۆڤ دۆزرایەوە، وابڵاوکرایەوە کە تەرم بێت و ھی چەند ساڵێک پێش ئێستابێت.

964 لەگەڵ تیمێکی شوێنەواری گەرمیان رۆیشتووەتە ئەو جێگەی کەلـلەسەر و ئیسکی مرۆڤێکی تێدا دۆزرایەوە.

ساڵەح محەمەد سەمین، بەڕێوەبەری شوێنەواری گەرمیان بە 964ى وت،”ئەمڕۆ سەردانی ئەو جێگایەمان کرد، ئێرە خۆی ناوچەیەکی شوێنەواریە و تۆمارکراوە”.

“پێشتر لێرە گۆزەی شکاومان دۆزیوەتەوە، ئەمڕۆش ھاتین چەند پارچەیەکی دیکەمان دۆزیەوە، بۆیە ئەو ئێسکانەشی کە دوزراونەتەوە گومان دەکەن کۆن بێت”،ساڵەح محەمەد وای وت.

ئاماژەی بەوەشکرد،”لەبەر نەبوونی بودجە نەمانتوانیوە کنە و پشکنین ئەنجام بدەین، ئێرەش بڕیارە بکرێتە ناوچەی گەشتیاری بەڵام بەھۆی ئەوەی لە ناوچەی شوێنەواری تۆمارە رامانگرتووە”.

وتیشی،”مێژوی ئەم ناوچە شوێنەواریە ھین سەردەمی کاشیە، نزیکەی سێ ھەزار و 500 ساڵ پێش ئێستا”.

پێداچوونەوە: توانا نەقی

لە گەرمیان سێ کەس ویستویانە بەدوای شوێنەوار بگەڕێن دەستگیرکراون

964+

ئەرسەلان عەبدوڵا

كۆمسیۆنی باڵای سەربەخۆی هەڵبژاردنەكانی عێراق رایگەیاند، سبەی كارەكانی نوێكردنەوەی تۆماری دەنگدەران دەستپێدەكات و لە 1970 بنكە لە سەرانسەری عێراق و كوردستان پێشوازی لە هاوڵاتیان دەكرێت.

جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عێراق، ئەمڕۆ دووشەممە 24.3.2025 بە تۆڕی 964ی راگەیاند، سبەی سێشەممە 25.3 نوێكردنەوەی تۆماری دەنگدەران دەستپێدەكات و ماوەی مانگێك بەردەوام دەبێت، كە تێیدا ئەوانەی تەمەنیان گەیشتووەتە ئاستی دەنگدان، ناویان تۆمار دەكرێت، هەروەها زیادكردن، لابردن، راستكردنەوە بۆ تۆمارەكانی پێشوو ئەنجام دەدرێت، جگە لەوە ناوی ئاوارەكان و هێزە ئەمنییەكانیش تۆمار دەكرێن.

وتیشی، بۆ مامەڵەی ئەو كارانە، لە هەزار و 970 بنكە لە سەرانسەری عێراق و كوردستان پێشوازی لە دەنگدەران دەكرێت و هەر كەسێك لە پارێزگای خۆی كاروبارەكانی بۆ جێبەجێ دەكرێت.

جومانە غەلای ئەوەشی باس كرد، بۆ تۆماركردن و هەر كارێكی پێویست لە تۆماری دەنگدەران، دەنگدەر پێویستی بە كارتی نیشتمانی، كارتی زانیاری، پسولەی خۆراك دەبێت، ئەوانەشی كارتی نیشتمانییان نییە، پێویستە تەزكەرە و رەگەزنامە لەگەڵ خۆیان بهێنن، ئەوانەی لە مامەڵەی وەرگرتنی كارتی نیشتمانیدان، دەبێت سورەت قەیدی ئەلیكترۆنی لەگەڵ خۆیان بهێنن.

بڕیارە لە كۆتاییەكانی ئەمساڵ هەڵبژاردنی پەرلەمانی عێراق ئەنجام بدرێت، ئەگەر بارودۆخی سیاسی و ئاسایشی عێراق گونجاو بێت.

كۆمیسیۆنی باڵای هەڵبژاردنەکانی عێراق وەڵامی 28 تانەی لایەنەكانی دایەوە