عەلی خامنەئی دەم بەخەندە پێشوازی لە سودانی کرد

964+

شۆرش قادری

محەمەد شیاع سودانی سەرۆک وەزیرانی عێراق دوای کۆبوونەوەی لەگەڵ مەسعود پزیشکیان سەرۆک کۆماری ئێران و بەرپرسانی باڵای ئەو وڵاتە، چووە لای عەلی خامنەئی رێبەری ئێران و پزیشکیانیش، ئامادەی دانیشتنەکە بوو.

بەپێی ئەو وێنەیەی کە ئاژانسی هەواڵی ئیرنا بڵاویکردووەتەوە، کۆبوونەوەکە گەرموگوڕ و دۆستانە بووە و هەر سێکیان دەم بەخەندە و بە خۆشحاڵییەوە گفتوگۆ و دەمەتەقێ دەکەن.

ئیرنا وردەکاری و ناوەرۆکی کۆبوونەوەکەی سودانی و خامنەئی ئاشکرا نەکردووە و تەنیا ئاماژەی بەوە کردووە کە دواتر لەلایەن نوسینگەی رێبەرەوە زانیاری زیاتر لەوبارەیەوە دەخرێتەڕوو.

بەرەبەیانی ئەمڕۆ چوارشەممە 8.1.2025 محەمەد شیاع سودانی سەرۆک وەزیرانی عێراق بۆ گفتوگۆکردن لەسەر پەیوەندی دوولایەنە، گۆڕانکارییەکانی ناوچەکە و بەتایبەتیش، رووداوەکانی سوریا چووە تارانی پایتەختی ئێران و لەگەڵ بەرپرسانی ئەو وڵاتە کۆبووەوە.

ناوەڕۆکى کۆنگرەى رۆژنامەوانى سودانى و پزیشکیان

سودانی دەچێتە تاران؛ پرسی حەشدی شەعبی و داواكارییەكەی بلینكن چی بەسەر دێت؟