دایكه‌كه خاوه‌نى دوو مەدالیایه
خێزانێکی هەنگەوان بەشداریان لە فێستڤاڵەکەی هەنارى هەولێر كردووه
964+
دەشتی عارف – هەولێر
له فێستڤاڵه‌كه‌ى هه‌نارى هه‌ولێر، كه ئه‌مڕۆ دووه‌مین رۆژیه‌تى، خێزانێكى هه‌نگه‌وان به به‌رهه‌مه‌كانیانه‌وه به‌شدارن، دایكیان ده‌ڵێت، له‌گه‌ڵ دوو كوڕ و بوك و نه‌وه‌یكی به‌شداریان كردووه.
بەیان شێروانی، یه‌كێك له‌هه‌نگوانه دیاره‌كانى هه‌رێمی كوردستان، به964ـى وت، ده‌مێكه به خێزانی كارى هه‌نگه‌وانى ده‌كه‌ن و و له‌و فێستڤاڵه‌شدا جگه له هه‌نگوین، به‌رهه‌مه‌كانى وه‌كو سركه‌ى سێو، سركه‌ى هه‌نار و زه‌یتى زه‌یتونیشیان نمایش كردووه.
وتیشی “جگه له فیستڤاڵه ناووخۆییه‌كان به‌شدارىم له فێستڤاڵ و كۆنفڕانسه‌كانى ده‌ره‌وه‌ى هه‌رێمیش كردووه و دوو میدالیاشم به‌ده‌ست هێناوه”.
پێداچوونه‌وه: فه‌رهاد حه‌سه‌ن
