هەواڵ
منداڵێکی چوار ساڵ بە رووداوی هاتوچۆ گیانی لەدەستدا
964+
شڤان عەبدوڵا – زاخۆ
دوانیوەڕۆی ئەمڕۆ دووشەممە، پاسێکی باخچەی ساوایان منداڵێکی چوار ساڵی لە زاخۆ شێلاوە و دەستبەجێ گیانی لەدەستداوە.
پۆلیسی زاخۆ دەڵێت، تەرمەکەی رەوانەی پزیشکی دادی دهۆک کراوە.
وردەکاری رووداوەکە بەجۆرێکە، منداڵەکە لە کۆڵانەکەی خۆیاندا دەبێت لە گەڕەکی بێدار، لەوکاتەدا پاسێک کە منداڵانی باخچەی ساوایان دەگوازێتەوە لێی دەدات و بەهۆیەوە گیان لەدەست دەدات.
ئەحمەد رەمەزان وتەبێژی پۆلیسی زاخۆ بە 964ـی وت، شۆفێری پاسەکە دەستگیرکراوە و پەڕاوی لێکۆڵینەوەی بۆ کراوەتەوە.
