ژمارەیەک منداڵی ئیشکەر لەسەر شەقام - وێنە: میدیاکان
لە عێراق ملیۆنێک و 100 هەزار منداڵی ئیشکەر هەن
964+
پێشەوا محەمەد
وەزارەتی پلاندانانی حکومەتی عێراق ئاماری منداڵانی ئیشکەری بڵاوکردەوە و دەڵێت، ملیۆنێک و 100 هەزار منداڵی ئیشکەر هەن.
رۆژنامەی سەباحی نیمچەفەرمی عێراق ئەمڕۆ شەممە 19.8.2023 لە زاری عەبدولزەهرە ئەلهەنداوی، وتەبێژی وەزارەتی پلاندانانی عێراق رایگەیاندووە، هێشتا ئەو ئامارەیان پێ کەمەوە و پێی وایە رێژەکە لە عێراق زیاترە.
ئاماژەی بەوەش داوە، پێویستە منداڵان چێژ لە تەمەنی منداڵیان وەربگرن و مافەکانیان بپارێزرێن، نەک تەنها لە بواری پەروەردە و تەندروستیدا، بەڵکو لە پاراستنیان لەو توندوتیژیانەی رووبەڕوویان دەبێتەوە، جا چ لە لایەن خێزانەکەیەوە بێت، یان لە دامەزراوەی پەروەردەیی یان کۆمەڵگا.