مەرزی حاجی ئۆمەران لە پێشوازی زیارەتکارانی ئیمام حسێندا
964+
ئاسۆ فەیسەڵ – سۆران
لە ئەمڕۆوە زیارەتکارانی شیعە لە پاریزگاکانی باکوری ئێران لە رێگەی مەرزی نێودەوڵەتی حاجی ئۆمەران بۆ چلەی ئیمام حسێن بە کوردستاندا تێدەپەڕن بۆ بەغدا و کەربەلا و نەجەف.
ئەمڕۆ یەکەم رۆژ بوو، زیارەتکارێکی کەم تاوەکو ئێستا هاتوون، بڕیارە تاوەکو 6.9.2023، کە یەکەم رۆژی چلەی ئیمام حسێنە، زیارەتکارانی باکوری ئێران لەو مەرزەوە بەرەو بەغدا و کەربەلا و نەجەف بچن.
ئەمە ساڵی دووەمە بە فەرمی زیارەتکارانی باکوری ئێران بە مەرزی حاجی ئۆمەران روو لە عێراق بکەن، پارساڵ سەرووی 20 هەزار زیارەتکار لەو مەرزەوە داخڵ بوون.