دووپشک لە بەردەڕەش 46 کەسی خستووەتە نەخۆشخانە

964+

زەید کۆچەر – دهۆک

تەنیا لەمانگی تەمموزی ئەمساڵ لە قەزای بەردەڕەش 46 کەس دووپشک پێوەیداوە و نزیکەی 551 کەس سەردانی بنکەی فریاکەوتنی قەزاکە کردووە.

نەشوان بەرزنجی، بەرپرسی راگەیاندنی تەندروستی بەردەڕەش بە 964ـی وت، لە ماوەی یەک مانگداو لە مانگی تەموز 46 کەس سەردانی بنکەکەیان کردووە دووپشک پێوەیداون و چارەسەریان بۆ کراوە.

وتیشی، دەرزی و چارەسەری پێویستیان هەیە بۆ پێوەدانی مار و دووپشک و بۆیە یەکسەر چارەسەریان بۆ کراوە و دۆخیان جێگیر بووە.

لە ماوەی ماگەککەدا بە گشتی 551 کەس روویان کردووەتە فریاکەوتنی بەردەڕەش و 46 حاڵەتیان دووپشک پێوەدان بووە و دوو کەس مارپێوەدان بووە و 20 کەس گەستنی سەگ و سێ کەس کارەبا گرتوونی و ئەوانەی تری بە هۆکاری نەخۆشی جۆراوجۆر بووە.

پێداچوونەوە: توانا نەقی