گەنجێک لە سنوری خانکێ خنکا
964+
زەید کۆچەر – دهۆک
ئێوارەی ئەمڕۆ گەنجێکی تەمەن 24 ساڵ خەڵکی شنگال لە سنووری خانکێ لەئاوی سکری موسڵدا خنکا.
بیوار عبدالعەزیز، بەرپرسی راگەیاندنی بەرگری شارستانی دهۆک بە 964ی وت، ئەمرۆ کاتژمێر 5:20 خولەک تیمیەکانیان لە سنووری خانکی تەرمی گەنجێکی تەمەن 24 ساڵیان بە ناوی” ع. ع” خەڵکی شنگال لەناو ئاوی سکری موسڵدا دەرهێنا.
وتیشی، تەرمەکەی رەوانەی پزیشکی دادی دهۆک کراوە.
گەنجەکە لەگەڵ چەند هاوڕێیەکی بۆ مەلەکردن چوونەتە ئەو شوێنە و هاوڕێکانی نەیانتوانییەوە رزگاری بکەن لە خنکان.
تەنیا لە ماوەی ئەمساڵدا 54 کەس بە رووداوی خنکان لە هەرێمی کوردستان گیانیانلەدەستداوە.
پێداچوونەوە: توانا نەقی