تاکە یاریزانێکی تایکواندۆی شاری دهۆک بۆ هەڵبژاردەی عێراق هەڵبژێردرا

+964
هیڤی دێوالی

چەند رۆژێکە تاکە یاریزانی تایکواندو شاری دهۆک “دلناس یونس” هەلبژێردراوە بو هەڵبژاردەی عێراق بۆ پاڵەوانیەتیی تایکۆاندوی ئاسیا.

یاریزان” دلناس یونس” بە ناوی یانەی گارە توانی پلەی یەکەمی پاڵەوانیەتیی تایکواندۆی کراوەی عێراق بۆ هەردوو بەشی منداڵانی (کوڕان – کچان) لە بەغدا بەدەست بهێنێت، کە لە هۆڵی شەعب بۆ ماوەی سێ رۆژ لە رێکەوتی 24 تا 27 حوزەیرانی 2023 بەڕێوەچوو.

لە پاڵەوانیەتییەکەدا نزیکەی 600 یاریزانان بەشداربوون.

یونس بێدوهی، راهێنەر و باوکی یاریزان دلناس بە 964ـى وت، چەند رۆژێک لەمەوبەر کوڕەکەی من لە رێگەی تەلەفۆنەوە زانی کە بۆ هەڵبژاردەی عێراق بۆ پاڵەوانیەتیی تایکواندۆی ئاسیا هەڵبژێردراوە.

وتیشی، بەم نزیکانە دەچێتە بەغدا کە بڕیارە بۆ ماوەی چەند هەفتەیەک مەشق و راهێنان بکەن بۆ ئامادەکاری بۆ پاڵەوانیەتیی ئاسیا.

ئێمە تا ئێستا نازانین چەند یاریزانی تایکواندۆ لەگەڵ هەڵبژاردەی عێراق بەشداریی پاڵەوانیەتیی ئاسیا دەکەن، لە چەند رۆژی داهاتوودا فیدراسیۆنی تایکواندۆی عێراقی ئاشکرای دەکەن”، یونس بێدوهی وای وت.

پێداچوونەوە: ئەرسەلان عەبدوڵا