لە سلێمانی 1508 کەس تووشی شێرپەنجە بوون

964+

هاوبەش ئەبوبەکر

لە شەش مانگی سەرەتای ئەمساڵدا ھەزار و 508 تووشبووی نوێی شێرپەنجە، تەنیا لە یەک نەخۆشخانەی سلێمانی تۆمارکراون.

تەندروستی سلێمانی رایگەیاند، لە رێکەوتی 1.1.2023 تا 30.6.2023 لە نەخۆشخانەی ھیوای تایبەت بە شێرپەنجە، ھەزار و 508 تووشبووی نوێی جۆرەکانی شێرپەنجە تۆمارکراون.

ئەمڕۆ دووشەممە 10.7.2023، سامان لەتیف وتەبێژی تەندروستیی سلێمانی ئامارەکەی بۆ 964 پشتڕاستکردەوە.

بە پێی ئامارەکە، لە کۆی ئەو ھەزار و 508 تووشبووەی شێرپەنجە، 238ـیان شێرپەنجەی مەمکن، 153 شێرپەنجەی کۆڵۆن و رێکە، 97 شێرپەنجەی سییەکان، 93 شێرپەنجەی لیمفۆما، 91 شێرپەنجەی میز و میزەڕۆ، 85 شێرپەنجەی پڕۆستات، 63 شێرپەنجەی لۆکیمیا 62 شێرپەنجەی مێشک، 55 شێرپەنجەی گەدە لەگەڵ 571 تووشبووی جۆرەکانی دیکەی شێرپەنجە.

ھەر لە شەش مانگی رابردوودا 481 حاڵەتی دیکەی نەخۆشییەکانی خوێن، جگە لە شێرپەنجە تۆمارکراون.