کوشتارگەی سەیدسادق.وێنە:سۆسیال میدیا
كوشتارگەی سەیدسادق داخرا
964+
محەمەد عومەر
بەهۆی نەبوونی مەرجەكانی تەندروستی كوشتارگەی سەیدسادق داخرا.
رەزا محەمەد قایمقامی سەیدسادق بە 964ـی وت، بەهۆی ئەوەی چەندین جار داواکاریمان بۆ هات کە کوشتارگەکە پاک و خاوێن نییە و مۆڵەتی ساڵانەی نوێ نەکردووەتەوە بڕیارماندا دایبخەین، تا مۆڵەتەكەی نوێنەكاتەوە و بڕیارەكان جێبەجێ نەكات نایكەنەوە.
بێستون ابوبکر، پزیشکی ڤێرتێرنەری لە سەیدسادق بە 964 وت،هیچ مەرجێكی تەندروستی لە كوشتارەگەكەدا نەبووە.
كوشتارگەكە، پیسوپۆخڵە، پڕە لە زبڵ و پیسی و خوێن و پارچە گۆشتی ماوەی ئاژەڵ و بۆنێكی زۆر ناخۆشی هەیە.
لە كوشتارگەكەی سەیدسادق رۆژانە دەیان تۆن گۆشت رەوانەی بازاڕ دەكات.
پێداچونەوە: كوردستان ئەحمەد