بۆمبه تهوقیتكراوهكانى ناو شار
ئاگركهوتنهوهكان له شاخ و دهشتهكانهوه بۆ ناو شارهكان
964+
ژوورى ههواڵ
تهنیا له مانگى رابردوودا به سهدان رووداوى ئاگركهوتنهوه له ناوچه جیاجیاكان تۆماركراون و به ههزاران دۆنم زهوى له پوش و گهنم و جاڕهگهنم و دار و درهخت سووتاون .
ئاگركهوتنهوهكانى ئهم دواییهى ههرێمی كوردستان، ههر له شاخ و دهشت و دۆڵهكان نهوهستا گهیشته ناو شارهكان.
ئێستا كه ئاگرهكه گهیشتووهته ناو شارهكان مهترسی زیاتری لهسەر ژیانى خهڵك دروستكردووه، بهتایبهتیش بهنزینخانهكان كه بهشێكیان جیگهى مهترسین.
بهپێی بهدواداچونهكانى 964 له شارهكانى ههولێر، سلێمانى و دهۆك، بهنزینخانه و سهمونخانه لە تەنیشتی یەکترین، یاخود بهنزینخانه و كافتریا بهیهكهوهن، ههروهها بهنزینخانه و خواردنگهش دراوسێن.
ئەم دیاردانە وەکو بۆمبی تهوقیتكراو وان، بۆ رووداوى ئاگركهوتنهوهی مەترسیدار لە داهاتوودا.