کچێکی 18 ساڵ لە زاخۆ ئۆتۆمبێل لێیدا و گیانی لەدەستدا

964+

هاوبەش ئەبوبەکر

کچێکی 18 ساڵ درەنگانی شەوی رابردوو لە زاخۆ ئۆتۆمبێل لێیدا و دوای سێ کاتژمێر مانەوە لە نەخۆشخانە، بەرەبەیانی ئەمڕۆ گیانی لەدەستدا.

ئەمڕۆ سێشەممە، ئەحمەد رەمەزان، وتەبێژی پۆلیسی زاخۆ بە 964ی وت، نزیک کاتژمێر 12ـی شەوی رابردوو، لەسەر شەقامی سەرەکی ئیبراهیم خەلیل، ئۆتۆمبێلێکی جۆری “تۆیۆتا کامری” خۆی کێشاوە بەو کچەدا.

لەپاش گەیاندنی بە نەخۆشخانەی فریاکەوتنی زاخۆ، کچەکە بەهۆی سەختی برینەکەی نزیک کاتژمێر سێی بەیانی گیانی لەدەستداوە.

شۆفێری کامریەکە، کە خەڵکی زاخۆیە دەستگیرکراوە و بەپێی مادەی 24 لە یاسای هاتوچۆ مامەڵەی لەگەڵدا دەکرێت.