لەناوبردنی خۆراکە خراپبووەکان - وێنە: 964
لە دوو رۆژدا دەستیان بەسەرداگیراوە
500 کیلۆگرام خۆراک و کەلوپەلی بەسەرچوو لەناوبران
964+
پێشەوا محەمەد
500 کیلۆگرام خۆراک و کەلوپەلی بەسەرچوو لە شاری سلێمانی لەناوبران و قایمقایەت دەڵێت، ئەو کەلوپەلانە هی چالاکی دوو رۆژی رابردووی لیژنەکانن.
قایمقامیەتی سلێمانی ئەمڕۆ شەممە 24.6.2023 کەلوپەل و خۆراکە بەسەرچووەکانی لە دەرەوەی ناوچەی نیشتەجێبوون لەناوبردووە.
964 لە ئەندامێکی لیژنە هاوبەشەکانی قایمقامیەتی سلێمانییەوە دەزانێت، ئەو خۆراکە خراپبووانە هی عەلوە و ناوبازاڕی سلێمانین و لە ماوەی دوو رۆژی رابردوودا دەستیان بەسەرداگیراوە.
ئەندامەکەی لیژنەکانی قایمقامیەت، کە نەیویست ناوی بهێندرێت ئەوەشی وت، “بەبۆنەی جەژنەوە چالاکی لیژنەکان زیاتر کراون و دەستبەسەرداگرتنی خۆراک و کەلوپەلی بەسەرچووش زیاتربووە”.
