ئه‌مشه‌و به‌ڕازیل و ئه‌ڵمانیا یارییان هه‌یه
964+
ئه‌رسه‌لان عه‌بدوڵا
ئه‌مڕۆ سێشه‌ممه ژماره‌یه‌ك یاریی نێوده‌وڵه‌تی و دۆستانه به‌ڕێوه‌ده‌چن، به‌ڵام دوو یارییان زۆر گرنگن، هه‌ڵبژارده‌ی به‌ڕازیل له پۆرتوگال رووبه‌رووی هه‌ڵبژارده‌ی سه‌نیگال ده‌بێته‌وه، یارییه‌كه كاتژمێر 10:00 ده‌ستپێده‌كات.
به‌رازیل سه‌ره‌تای ئه‌م هه‌فته‌یه‌ش له یارییه‌كی دۆستانه له‌گه‌ڵ غانا بردنه‌وه‌ی تۆمار كرد.
له لای خۆیه‌وه هه‌ڵبژارده‌ی ئه‌ڵمانیا له وڵاتی خۆیدا میوانداریی كۆڵۆمبیا ده‌كات و یارییه‌كه 9:45 به‌ڕێوه‌ده‌چێت.
ئه‌ڵمانیا له‌م مانگه‌دا دوو یاریی دۆستانه‌ی كردووه، له‌گه‌ڵ ئۆكراینا یه‌كسان بوو، دواتریش به گۆڵێك به پۆڵه‌ندا دۆڕا، ئه‌مه‌ش هانده‌رانی مانشتافتی نیگه‌ران كردووه، چونكه ئاستی تیپه‌كه باش نییه و له قۆناغی نوێبوونه‌وه‌دایه.