لیژنەی چاکسازیی زیندانییە سیاسییەکان کۆتایی بە کارەکانی هێنا

964+

پێشەوا محەمەد

لیژنەی چاکسازی لە لیستی زیندانییە سیاسییەکاندا کۆتایی بە کارەکانی هێناوە و لە 5214 دۆسیە 243یان قبوڵ نەکراون.

چاکسازییەکە لە ژێر رۆشنایی یاسای ژمارە 2ـی ساڵی 2020ـی یاسای چاکسازی لە موچە و دەرماڵە و بەخشین و ئیمتیازاتەکان و خانەنشینی لە هەرێمی کوردستان ئەنجامدراوە.

عەبدوڵا حاجی مەحمود، وەزیری کاروباری شەهیدان و ئەنفالکراوان، لە ئەکاونتی تایبەتی خۆی لە تۆڕی کۆمەڵایەتی فەیسبووک رایگەیاندووە، تەواوی دۆسیەکان بەپێی یاسا و رێنمایی مامەڵەیان لەگەڵ کراوە.

سەبارەت بە چارەنووسی ئەو دۆسیانەی قبوڵ نەکراون، دەڵێت، “لیژنەیەکى نوێ راسپێردراوە بە نوێنەرایەتى لایەنە پەیوەندیدارەکان، بۆ ئەوەى پێشنیارى پێویست ئامادە بکەن و بڕیارى یەکلاکەرەوە لە بارەی ئەو زیندانیکراو و گیراوە سیاسیانەی دیکە بدرێت”.