سپێرەکانی خانەقین نیشانەی دێرینی شارەکەن
964+
راژان باجەلان – خانەقین
لە هەندێک شوێنی خانەقین گومبەتی بچووک دەبینرێت. لە ژوورێکی تەسک پێکهاتوون کە دەرگا و سێ پەنجەرەی بچووکیان هەیە.
لە خانەقین بەو گومبەتانە دەوترێت سپێر، بە پێی گێڕانەوەکان، لە سەرەتای سەدەی رابردوو بە مەبەستی سەربازی بەکارهاتوون، گوایە لەسەر دەستی سوپای ئینگلیز دروستکراون.
مێژووناسەکان پێیانوایە پێشتر لە سەردەمی عوسمانییەکان گومبەت دروستکراوە و دواتریش حکومەتی عێراقی دروستیکردووەتەوە.
لە پاش رووخانی رژێمی بەعس و فراوانبوونی شاری خانەقین بەشێک لە گومبەتەکان دیارنەماون، هەروەها ئەوانەی ئێستا ماونەتەوە پشتگوێخراون.