بەهۆی کەوتنەوەی ئاگرەوە مارکێتێک بە تەواوەتی سوتا

964+

شۆڕش هەرکی – هەولێر

لەسەر رێگای گەزنە – دهۆک، بەهۆی شۆرتی کارەباوە، ئاگرێک لەدوکانێک بەربووە و دوای ئاوەی تەواوی کەلوپەلەکانی ناوی سووتا کۆنتڕۆڵکرا.

رابەر هێرش، خاوەنی مارکێتە سووتاوەکە بە 964ی وت، زیانەکانیان بەهۆی ئاگرەکەوە نزیکەی دوو دەفتەر دۆلار دەبێت چونکە هەموو کەلوپەلەکانی ناو مارکێتەکە سووتاون.

ئەو کەلوپەلانەی کە لە مارکێتەکەدا بوون پێکهاتبوون لە خواردەمەنی و چەرەزات و ئامێری کارەبایی و قاسەی پارە کە هەموویان سووتاون.

خاوەنی مارکێتەکە و هاوڵاتیان بەشێکی ئاگرەکەیان کۆنترۆڵ کرد، دواتر بە گەشتنی تیمەکانی بەرگری شارستانی توانرا بە تەواوەتی ئاگرەکە کۆنترۆڵ بکرێت.

پێداچوونەوە: توانا نەقی