دێڤێد سۆریا. فۆتۆ: سۆشیال میدیا
ریال مەدرید لە سێیەم گرێبەست نزیکدەبێتەوە
964+
ئه‌رسه‌لان عه‌بدوڵا
یانه‌ی ریال مه‌دریدی ئیسپانی له واژۆكردنی گرێبه‌ستێكی نوێ نزیكبووه‌ته‌وه.
سه‌رچاوه‌یه‌ك له یانه‌ی خیتافی به میدیا ئیسپانییه‌كانی راگه‌یاندووه، دێڤێد سۆریای گۆڵپارێزی تیپه‌كه‌یان له په‌یوه‌ندیكردن به یانه‌ی ریال مه‌درید نزیكبووه‌ته‌وه، كه ده‌بێته یه‌ده‌گی تیبۆ كۆرتوا.
سۆریا ته‌مه‌نی 30 ساڵه و گرێبه‌ستی له‌گه‌ڵ خیتافی تا 2026 هه‌یه، كه له 2018 له سێڤییاوه روویكرده خیتافی، كه تا ئێستا 185 یاری له‌گه‌ڵ تیپه‌كه‌دا كردووه.
له ریال مه‌درید تیبۆ كۆرتوای به‌لجیكی گۆڵپارێزی سه‌ره‌كییه، تا ئێستاش ئاندرێ لونینی ئۆكڕاینی گۆڵپارێزی دووه‌م بوو، به‌ڵام ئه‌مه‌ی دوایی ئه‌م هاوینه تیپه‌كه جێده‌هێڵێت.
یانه‌ی شاهانه تا ئێستا دوو گرێبه‌ستی واژۆ كردووه، ئه‌وانیش گواستنه‌وه‌ی جود بیلینگهام له بۆروسیا دۆرتموند و فران گارسیا له یانه‌ی رایۆڤاییكانۆوه.