سەنتەری شاری سلێمانی. وێنە: 964
لە سلێمانی 452 ملیۆن دینار بۆ شەقامی 30 مەتری و ئاوەڕۆ خەرجدەکرێت
964+
هاوبەش ئەبوبەکر
لە سلێمانی بە بڕی 452 ملیۆن دینار بەشێکی شەقامی 30 مەتری دروستدەکرێت و چەند شەقامێکیش کاری بڕین و پڕکردنەوە و ئاوەڕۆیان بۆدەکرێت.
ئەمڕۆ سێشەممە، وەزارەتی شارەوانی و گەشتوگوزار لە فەیسبووک رایگەیاند، رەزامەندی داوە لەسەر خەرجکردنی ئەو بڕە پارەیە و لەسەر رێژەی 15%ی داهاتی سەرۆكایەتیی شارەوانی سلێمانی دەبێت.
ئەو بەشەی شەقامی 30 مەتری کە دروستدەکرێت، دەکەوێتە نێوان گەڕەکی كەڵەكن و شەقامی سەرەكیی هەواری شار.
هەر بەو بڕە پارەیە، كاری بڕین و پڕكردنەوە و دروستكردنی ئاوەڕۆی باراناو و كۆنكرێتكردنی شەقام لە سنووری شارەوانیی سلێمانی دەکرێت.