وێنەی یەکێک لە دەستگیرکراوەکان. فۆتۆ: بەڕێوەبەرایەتی گشتیی دژەتیرۆر
لە گەرمیان و حەمرین سێ کەس بە تۆمەتی تیرۆر دەستگیر کران
964+
هاوبەش ئەبوبەکر
دەزگاکانی دژەتیرۆری عێراق و هەرێم، سێ کەسیان بە تۆمەتی تیرۆر لە سنووری ئیدارەی گەرمیان و حەمرین دەستگیر کرد.
بەڕێوەبەرایەتی دژەتیرۆر(CTG) ، ئەمڕۆ پێنجشەممە رایگەیاند، بە هاوبەشی لەگەڵ دژەتیرۆری عێراق، ئۆپەراسیۆنی دەستگیرکردنی ئەو سێ کەسەیان ئەنجامداوە لە گەرمیان و حەمرین
سێ دەستگیرکراوەکە بە مادەی تیرۆر داواکرابوون و رادەستی یاسا کراون، بەڕێوەبەرایەتی دژەتیرۆر(CTG) وا دەڵێت.
پێشتریش لە رۆژی 8ی مانگی شوباتدا، لە سنووری ئیدارەی گەرمیان شوانێک لەلایەن ئاسایشەوە دەستگیر کرا، کە پێشتر چەکداری داعش بووە.