ئەوقافی هەرێم مشتومڕی وادەی جەژنی قوربان یەکلایی دەکاتەوە

964+

پێشەوا محەمەد – سلێمانی

دیاریکردنی رۆژی جەژنی قوربان تەنیا لە دەسەڵاتی وەزارەتی حەجی سعودیە دایە. وەزارەتی کاروباری ئاینی هەرێم دەڵێت، نۆ رۆژ پێش وادەکەی یەکەم رۆژی جەژنی قوربان دیاری دەکرێت.

تۆڕی 964 لە وەزارەتەکەوە دەزانێت، وەزارەتی حەجی سعودیە رۆژی یەکی زیلحەجە دیاری دەکات و نۆ رۆژ دوای یەکی زیلحەجە دەبێتە جەژن و سەرجەم وڵاتانی ئیسلامی پێوەی پابەند دەبن.

“جەژنی قوربان وەک هی رەمەزان نییە مانگ ببیندرێت، یان فەلەکناس قسەی تێدا بکەن بەڵکو ئەوە کاری سعودیەیە و پەیوەندی بە پڕۆسەی ئەنجامدانی حەجەوە هەیە”، ئەمە وتەی نەبەز ئیسماعیل، وتەبێژی وەزارەتی کاروباری ئایینی هەرێمە بۆ 964.