خۆڵ بارین 19کەسی رەوانەی نەخۆشخانە کرد

964+

کاروان ساڵحی – کەرکوک

بەهۆی خۆڵبارینەوە 19 کەس لە سەنتەری شاری کەرکوک و دەوروبەری گەیەندرانە نەخۆشانەکانی کەرکوک.

ئەمڕۆ شەممە 13.5.2023، لە سەرجەم شارەکانی کوردستان و عێراقیش، شەپۆڵێکی خۆڵبارین هەبوو.

هەر بەهۆی ئەو خۆڵبارینەوە لە کەرکوک 19 کەس گەیەندراونەتە نەخۆشخانەکانی ئازادی و کەرکوکی گشتی و حەویجە و منداڵان و داقوق.

سامان یابە، بەرپرسی راگەیاندنی فەرمانگەی تەندروستی کەرکوک بە 964ی وت، لە کاتژمێر 6ـی ئێوارە تاکو 10:30ـی شەو، 19 هاوڵاتی بەهۆی تەنگە نەفەسیەوە رەوانەی هەریەک لە نەخۆشخانەکانی ئازادی و کەرکوکی گشتی و حەویجە و منداڵان و داقوق کراوە، چارەسەری پێویستیان وەرگرتوە نەخۆشخانەیان جێهێشتووە.

پێداچوونەوە: فەرمان سادق