نەخۆشخانەی قەڵا لە کەلار
لە گەرمیان 19 منداڵ تووشی ھەوکردنی مێشک بوون
964+
میلاد جەلال – گەرمیان
لە چوار رۆژدا 60 منداڵ لە نەخۆشخانەی قەڵای منداڵان بۆ چاودێری ورد و نەخۆشییە گوازراوەکان خەوێندراون، لەو ژمارەیەش دوای پشکنین دەرکەوتووە کە 19 منداڵ تووشی نەخۆشی ھەوکردنی مێشک بوون.
لە 25ـی ئەم مانگە حاڵەتەکانی تووشبوون بە نەخۆشییەکە لە گەرمیان راگەیاندرا، کە ئەوکات تەنیا چوار حاڵەت بوون.
نەخۆشخانەی قەڵا لە کەلار، ئێستا تایبەت کراوە بە قاوشی منداڵان بۆ نەخۆشی ھەوکردنی مێشک.
حارس محەمەد، بەڕێوەبەری نەخۆشخانەی قەڵا بە 964ى وت “لەماوەی ئەم چوار رۆژەدا 60 منداڵ داخلی نەخۆشخانەی قەڵا کراون، 19 منداڵیان پاتایەکەیان هەیە و ئەوانیتریش گومانیان لەسەرە تووشی پاتایەکە بووبن بۆیە لەژێر چاودێریدان و چاوەڕێی ئەنجامی پشکنینەکانیان دەکەین”.
ئاماژەی بەوەشکرد، دۆخی تەندروستی ھەموویان جێگیرە لەم ھەفتەیەدا بەشێکیان دەنێرینەوە ماڵەوە.
پێدچوونەوە: فەرمان سادق