هاوڵاتییەکی بەنگلادیشی لە بازاڕی هەولێر گیانی لەدەستدا
964+
فەرمان سادق
بەرەبەیانی ئەمڕۆ پێنجشەممە 27.4.2023، هاوڵاتییەکی بەنگلایشی لەناو دەرگای مزگەوتی حاجی نوری، لە جەرگەی بازاڕی هەولێر لای کۆتری سەلام، گیانی لەدەستداوە.
بەگوێرەی بەدواداچوونەکانی 964، هێشتا هۆکاری گیان لەدەستدانەکەی روون نییە و دوکاندارێکی بازارەکەش دەڵێت: بە مردنی خۆی مردووە، بەڵام نازانین هیچ نەخۆشییەکەی هەبووە یان نا.
ئەو هاوڵاتییە بەنگلادیشیە تەمەنی نزیکی 45 ساڵ بووە و ناوی رەسوڵە، بەپێی قسەی دوکاندارەکانی نزیکی رووداوەکە، ماوەی 15 ساڵە لە هەولێر کاردەکات.
ئەمبوڵانسی تەندروستی گەیشتووەتە شوێنەکە و تەرمی هاوڵاتییە بەنگلاشییەکەی گواستووەتەوە بۆ نەخۆشخانە.