شەو درەنگ کۆتایی پێدێت
سبەینێ بارانبارینی تەواوە
964+
پێشەوا محەمەد – سلێمانی
بە پێی پێشبینییەکانی وەزارەتی گواستنەوە و گەیاندن، سبەینێ دووشەممە ئاسمان هەور دەبێت و لە کاتی بەیانیدا نمەباران دەبێت، بەڵام دواتر بارانەکە دەبێتە مامناوەند و هەورەبروسکە و بارانی بەلێزمە لە زۆربەی ناوچەکانی هەرێم.
بە پێی پێشبینییەکەی وەزارەتی گواستنەوە و گەیاندن، کە ئەمشەو یەکشەممە 23.4.2023 بڵاویکردووەتەوە، لە کاتەکانى شەودا کاریگەرییەکەى تەنها لەسەر ناوچەکانى راپەڕین، سلێمانى، هەڵەیجە و هەندێک ناوچەی گەرمیان دەمێنێتەوە و پاشان کۆتایی پێدێت و پلەکانى گەرماش نزم دەبنەوە.
خێرایی با 15-25 کیلۆمەتر دەبێت لە کاتژمێرێکدا، هەندێجار چالاک دەبێت بۆ سەروى 30 کیلۆمەتر و لەگەڵ بارانبارین ئەگەرى بەرزبوونەوى تۆز هەیە لە کەرکوک و گەرمیان.