فرۆشتنی یاری ئاگرین لە رانیە قەدەغەیە

+964
كوردستان ئەحمەد- هەولێر
لە دەڤەری راپەڕین بۆ رۆژانی جەژن هەر دوكانێك یاری ئاگرین بفرۆشێت سزا دەدرێت.
كەمێك پێش ئێستا قایمقامیەتی راپەڕین لە تۆڕی كۆمەڵایەتی فەیسبوك، پۆستێكی بڵاوكردوەتەوە و نوسیویەتی، یاریە ئاگرینەكان بەهەموو شێوەیەك قەدەغەن بۆ فرۆشتن.

ئەم بڕیارەیان لەپێناو ئەوەدا داوە كە رێگری بكەن لە رووداوی نەخوازراو كە بەهۆی یارییە ئاگریینەكانەوە روودەدەن.
لە بەشێكی دیكەی نوسینەكەیدا هاتووە، هەردوكان و شوێن كارێك پابەند نەبێت بەبڕیارەكەوە شوێنەكەی دادەخرێت بۆ ماوەی سێ رۆژ.

ئەم ژمارە  (07708593000)تەلەفۆنەشی داناوە دەڵێت، هەركەس سەرپێچی بینی یاخود دوكانێكی بینی كە یاری ئاگرین دەفرۆشێت پەیوەندیمان پێوەبكات و سكالا تۆماربكات